Ibrahimoviç “luftë” Covid-19: Pati kurajon të më sfidojë, ide e keqe
Sulmuesi i Milanit Zlatan Ibrahimoviç rezultoi pozitiv me Covid-19 gjatë testeve të kryera ditën e sotme.
Por për 39-vjeçarin suedez kjo nuk përbën asnjë problem, madje “sfidon” edhe virusin.
Në një mesazh të tijin në rrjetet sociale, Ibrahimoviç shkruan: “Kam rezultuar negative dje dhe pozitiv sot me Covid-19. Asnjë sintomë. Covid ka patur guximin të më sfidojë. Ide e keqe”, përcjell Ora News.
Njoftimi zyrtar i AC Milan:
“AC Milan njofton se Zlatan Ibrahimoviç ka rezultuar pozitiv pas tamponëve të kryer për ndeshjen Milan-Bodo/Glimt. Janë informuar autoritetet shëndetësore dhe futbollisti është karantinuar. Të gjithë tamponët e tjerë të kryer në skuadër kanë dale negativë”.
I tested negative to Covid yesterday and positive today. No symptoms what so ever. Covid had the courage to challenge me. Bad idea
— Zlatan Ibrahimović (@Ibra_official) September 24, 2020