Johanes Han krenar që ka kontribuuar për marrëveshjen e Prespës
Ish eurokomisari për zgjerim, sot i obliguar për buxhetin e BE-së, Johanes Han, për MIA u përkujtua shkurt në nënshkrimin e Marrëveshjes së Prespës para dy viteve dhe bind se Maqedonia e Veriut është në rrugë të mirë drejt BE-së, lajmëroi korrespondentja e MIA-s nga Brukseli.
“Para dy viteve, kryeministrat e Greqisë dhe Maqedonisë së Veriut, Aleksis Cipras dhe Zoran Zaev nënshkruajtën me të vërtetë marrëveshje historike. Më kujtohet shumë mirë kjo ditë pranë liqenit të Prespës, ky moment unikat i cili hapi rrugë për marrëdhënie të re miqësore, mes dy vendeve të cilat me dekada kanë udhëhequr kontest të hidhur”, u përkujtua Han për MIA.
Edhe pse procesi ishte në duart e Kombeve të Bashkuara dhe ndërmjetësuesit Methju Nimic, eurokomisari Han në mënyrë aktive ka ndihmuar në lehtësimin e dialogut mes Shkupit dhe Athinës, tregojnë diplomatët të cilët e kanë ndjekur procesin e vetë fillimit.
Zgjidhja e kontestit me Greqinë ishte kusht i rëndësishëm të tejkalohet bllokimi në BE për fillimin e negociatave dhe inkuadrimin në NATO.
“Marrëveshja e Prespës emëron guxim, vizion, lidership politik dhe pajtim, dërgon sinjal të fuqishëm për rajonin dhe më gjerë”, thotë ish njeriu i parë i politikës së zgjerimit të BE-së.
Ai u përkujtua në procesin e negociatave mes dy palëve si “punë e palodhur dhe negociata të gjata për detaje delikate”, i udhëhequr nga ministrat e punëve të jashtme, Nikolla Dimitrov dhe Nikos Koxias.
Marrëveshja ishte element i rëndësishëm për vendet-anëtare të BE-së të japin dritë të gjelbër për hapjen e negociatave me Maqedoninë e Veriut, e cila tani është në rrugë të mirë drejt BE-së. Jam krenar dhe i lumtur që kam kontribuuar me ekipin tim për këtë sukses i cili hapi perspektiva të reja për njerëzit e të dyja palëve të kufirit. Para se gjithash, do të dëshiroja t’i nderoj të gjithë që kanë punuar për këtë sukses, karakteristikë e një fryme të vërtetë evropiane, tejkalim të kontesteve, kalim i kufijve dhe bashkëpunim për të ardhme të përbashkët dhe të qetë”, deklaroi Han për MIA.
Pas pesë viteve të kaluara në zgjerim, komisari Han tani tërësisht është përkushtuar në gjetjen e një kompromisi ende më të rëndë në BE: marrëveshje për buxhet afatgjatë të Unionit në kohën e krizës më të madhe ekonomike të kontinentit pas luftës së dytë botërore.
Ndryshe, Marrëveshja e Prespës është ngjarja më e rëndësishme që nga pavarësia e Maqedonisë së Veriut, e cila zgjidhi një kontest 27 vjeçar për çështjen e emrit, pasi që Greqia pretendonte se emri dhe flamuri i shteti janë simbole greke dhe se në të ardhmen Maqedonia mund të ketë pretendime territoriale ndaj një rajonit të saj, e cila gjithashtu quhet Maqedoni, shkruan Portalb.mk.
