Treni e ka përplasur për vdekje një emigrant në hekurudhën Veles-Gradsko
Një person ka ndërruar jetë sot herët në mëngjes në hekurudhën Veles-Gradsko pasi u godit nga një lokomotivë. Sipas raportit të policisë, bëhet fjalë për një emigrant që për shkak të lëndimeve të rënda trupore ka ndërruar jetë gjatë rrugës për në spitalin e Velesit.
“Më 11.06.2020 në orën 04.00 u raportua se në rrugën hekurudhore Veles-Gradsko, përpara fshatit Zgropolci, një lokomotivë ka goditur një person – emigrant, i cili pësoi lëndime të rënda trupore. Personi në fjalë rrugës për në Spitalin e Përgjithshëm të Velesit iu nënshtrua plagëve duke ndërruar jetë. Ekipi i SPB-Veles ka kryer inspektime në vendngjarje. Trafiku hekurudhor ishte në ndërprerje deri në ora 06.35 për shkak të inspektimit”, njoftojnë nga MPB.
