Gjatë 24 orëve 10 persona me Covid-19 dhe 31 të shëruar në Kosovë
Ministri i Shëndetësisë, Arben Vitia ka njoftuar se sapo ka marrë rezultatet për ditën e sotme, ku 31 bashkëqytetarë janë të shëruar pas testimeve. Ndërsa nga 250 testime vetëm 10 qytetarë kanë rezultuar të infektuar.
Ai ka shkruar në Facebook se e sotmja është dita e dytë kur në vendin tonë shënojmë këto rezultate shpresëdhënëse, transmeton TCH.
“Të bashkuar dhe të kordinuar e me përkushtim do ia dalim. Kujdesi duhet të vijojë njëjtë si deri tani, sakrifica e secilit po i jep rezultatet. Ndaj le të jemi të vëmendshëm e solidarë si deri tani”, ka shkruar ai.
