Është dezinformatë se një kishë serbe në Prishtinë me metodë ruse po lufton kundër Kovid 19

Nga kisha serbe Shën Nikolla në Prishtinë tashmë disa ditë po dëgjohet zë i lartë i kambanave për shkak të “luftës kundër koronavirusit”. Fqinjët janë të mërzitur, dhe eksperti i sigurisë Agim Musliu sqaroi se kjo nuk është vetëm një “model primitiv rus”, por edhe një “trend provokues” – është lajmi që sot e transmetuan media të shumta të Kosovës – duke filluar nga shërbimi publik RTK, agjencia e lajmeve Kosovapres,  e deri te portalet Gazeta Express, Telegrafi, Bota Sot, Kosovarja.

“Tingulli i kambanës, si dhe lutja e myezinit nga minarja pesë herë në ditë, ka për qëllim kryesisht të nxitë lutjen. Duke vepruar kështu, ne e tregojmë solidaritetin tonë që Kisha jonë ndjen për të gjithë qytetarët e Kosovës, pavarësisht fesë ose gjuhës, sepse të gjithë jemi të rrezikuar në mënyrë të barabartë nga pandemia. Në kohën e kumbimit të kambanës, ne lutemi për të gjithë të sëmurët në mbarë botën, për ata që kujdesen për ta nëpër spitale dhe i dërgojmë lutjet te Zoti që epidemia të ndalet dhe jeta të kthehet në normalitet “, kanë njoftuar nga Dioqeza e Rashkës-Prizrenit për Si-Bi-Es, duke i përgënjeshtruar ashtu pretendimet në tekst, transmeton Meta, përcjell Portalb.mk.

Në tekstet e mediave kosovare theksohet se “më parë nuk ka pasur fare reagime ndaj manifestimeve rituale që kanë ndodhur në kishë, por tani kambanat po bien aq shpesh sa që tash paraqet problem për popullatën lokale në lagjen Taslixhe”, duke iu referuar një banori lokal anonim.

Eksperti i sigurisë Agim Musliu ka vlerësuar se ishte “kjo nuk është vetëm metodë primitive ruse, por edhe një trend provokues”.

“Ne jemi dëshmitarë të përhapjes së qëllimshme të propagandës nga Moska në lidhje me katastrofën humanitare të shkaktuar nga virusi. Rusët nuk i kursejnë as besimtarët e tyre ortodoksë vetëm për të ndërmarrë veprime që u përshtaten atyre. Nga ana tjetër, është e qartë se njerëzit nga shërbimi sekret serb po qarkullojnë në të gjitha kishat, përfshirë edhe këtë. Prandaj, aty ku është shërbimi sekret serb, ekziston edhe shërbimi sekret rus. Kështu që lirisht mund të konkludojmë se kjo është një pasojë e kaosit nga Moskë. Bota e di se kudo që ka kisha ortodokse, ekziston një nga agjentët e tyre”, tha ai.

Në tekst citohet një burim anonim,  i cili thotë se, sipas priftërinjve, “kjo bëhet në emër të luftës kundër koronavirusit “. Gjithashtu, theksohet që një kishë në Jagodinë e ka aplikuar atë formë të “shërimit” të infeksionit duke iu rënë kambanave në mesditë.

“Në uebfaqen e Kishës ortodokse serbe nuk ka asnjë dëshmi se kjo është formë zyrtare e trajtimit të koronavirusit,” thuhet në fund të tekstit.

Autorët e këtij teksti, megjithatë, nuk e kanë kontaktuar me Dioqezën për Rashkën-Prizrenin për të marrë përgjigje të sakta në lidhje me arsyet, si dhe mënyrën e rënies së kambanave të kishave në Kishat ortodokse të Kosovës.

Nga dioqeza për Rashkën-Prizrenin kanë thënë për Si Bi Es se ata ishin “befasuar dhe zhgënjyer” nga teksti, duke theksuar se “ai tejkalon shuamë kufijtë më dinjitoz të gazetarisë profesionale dhe është një shembull i marrjes në shënjestër të Kishës Ortodokse Serbe në Kosovë dhe Metohi”.

Ata kujtojnë se “kambanat nuk u shpikur në Rusi, por në Itali, në nj; Fushatë, në shekullin e V dhe se ato janë përdorur me shekuj jo vetëm për të shpallur shërbime të rregullta, por edhe në kohë vuajtjesh të mëdha, fatkeqësish dhe tragjedish të tjera, si në botën ortodoksinë ashtu edhe në botën romake katolike dhe protestante”.

Kjo praktikë është futur në komunitetet e krishtera perëndimore, kryesisht katolike romake, në të gjithë botën, nga Amerika, Kanadaja, Franca, deri në Australi dhe Filipine”, kanë shpjeguar nga dioqeza.

Siç shpjegojnë nga dioqeza, zëri i kambanave, si dhe thirrja për lutje nga minaret, me decibel, është rregulluar me legjislacionin e Kosovës.

“Çdo lexues qëllimmirë mund të konkludojë se kambanat e krishtera nuk prodhojnë një efekt më të madh se sa lutjet e dhjetëra xhamive në qytetet e mëdha. “Kambanat janë pjesë e civilizimit të kontinentit evropian dhe është shumë keq që nga Kosova po vjen zë që thotë se po kambanat e shqetësojnë dikë”, theksohet në përgjigje.

“U theksua se Peshkopi Theodosi kishte vendosur që kisha e Shën Nikollës në Prishtinë të ndërpret rënien e shpeshtë të kambanave”përkundër faktit se famullitari i kishës së Prishtinës, at Sasha Mitroviq, pretendon se askush nga fqinjët përreth nuk është ankuar, disa madje i kanë shprehur mbështetje”.

Dioqeza ka shprehur shpresën që, në një kohë të katastrofës humanitare që po ndodhë në botë, nuk do të ketë më artikuj apo komente të tilla nga “ekspertë” të painformuar dhe me qëllim të keq, por që kjo vuajtje e fundit do të na inkurajojë të gjithëve të tregojmë solidaritet, mirëkuptim të ndërsjellë dhe të tejkalojmë të gjitha dallimet politike dhe ndërnacionale të cilat nuk e kanë vendin në një kohë kur kemi kaq shumë njerëz të sëmurë, sidomos të moshuar “.

“Në vështirësi duhet të jemi gjithmonë dhe të tregojmë një, mbi të gjitha, frymën të fqinjësisë dhe tolerancës sepse jetojmë në një hapësirë ku me shekuj ka pasur tradita të ndryshme fetare”, kanë porositur nga Dioqeza për Rashkën-Prizrenin.

Nga dioqeza theksojnë se kambanat e kishave janë një përkujtues për lutje të besimtarëve dhe se, gjatë pandemisë, ato do të shpallen” në të gjitha tempujt e famullisë dhe manastirit midis orës 8 dhe 20, në intervalet dy-orëshe dhe do të zgjasin nga 5 minuta”, deri në fund të epidemisë”.