Spasovski në Londër u takua me Palmerin dhe kryetarin e BERZH-it
Oliver Spasovski në kuadër të Samitin e organizuar në Londër, zhvilloi takim me Methju Palmerin, të dërguarin special të sekretarit amerikan për Ballkanin perëndimor, si dhe me Suma Çakrabatin, kryetarin e Bankës evropiane për rindërtim dhe zhvillim (BERZH), transmeton Portalb.mk.
“Prej rezultateve të reformave dhe zbatimit të tyre pritet vendim pozitiv dhe i shpejtë i BE-së për fillimin e negociatave si hap logjik dhe për shkak të plotësimit të të gjitha kritereve dhe standardeve për anëtarësim në NATO”, theksoi Palmer.
Spasovski premtoi se Maqedoninë e Veriut do të vazhdon të mbështesë marrëveshjet për fqinjësi të mirë, siç është ajo me Bullgarinë dhe Greqinë. Ai gjithashtu theksoi edhe mbështetjen financiare të BERZH-it në përmbushjen e kritereve të RMV-së për në BE.
“BERZH është partner i rëndësishëm i Maqedonisë së Veriut me mbështetjen financiare për përpjekjet tona për përmbushjen me sukses të kritereve dhe standardeve të nevojshme për afrimin drejt Bashkimit Evropian”, tha Spasovski.
Qeveria e RMV-së theksoi se BERZH është e gatshme për bashkëpunim për mbështetjen e negociatave për anëtarësim, duke u përqendruar në projektet infrastrukturore, energjinë ripërtëritëse, gazifikimin, industrinë jondotëse dhe digjitalizimin e shërbimeve.
