Filmi nga Maqedonia e Veriut në garë për çmimin “Oskar”
Filmi “Toka e mjaltit” nga Maqedonia e Veriut është në garë të ngushtë në dy kategori – si dokumentari më i mirë dhe si filmi më i mirë i huaj, në garën për çmimin “Oskar” për ceremoninë që do të mbahet më 9 shkurt në Los Anxhelos.
Nëse “Toka e mjaltit” merr nominime për çmimin “Oskar” në dy kategoritë, do të jetë filmi i parë maqedonas me një sukses të tillë.
Anëtarët e Akademisë deri më 7 janar të vitit 2020 votuan për zgjedhjen më të ngushtë të filmave në nëntë kategori pasi listat e shkurtuara ishin publikuar më 16 dhjetor.
Në kategorinë si dokumentari më i mirë, filmi i regjisorëve Tamara Kotevska dhe Lubomir Stefanov është në mesin e 15 të përzgjedhurve prej 159 kualifikimeve, ndërsa në kategorinë e filmit më të mirë internacional është në garën më të ngushtë në të cilin hynë nëntë tituj prej 91 të paraqiturve.
