Sanchezi mund të mungojë deri në tre muaj
Përzgjedhësi i Kilit, Reinaldo Rueda, ka pranuar se pret që sulmuesi i Interit, Alexis Sanchez të mungojë “për dy ose tre muaj”, transmeton Koha.net.
Sanchez pati problem me kyçin e këmbës në barazimin e Kilit me Kolumbinë në fundjavë, dhe Rueda ka pranuar se lojtari kyç i kombëtares do të duhet të operohet.
“Ai mund të operohet. Interi, klubi i tij, do të vendosë. Mund ta humbim për dy ose tre muaj. Është keq sepse ai sapo nisi të luante sërish me Interin dhe realizoi dy gola, derisa luan edhe në Ligën e Kampionëve. Ishte i lumtur dhe super i motivuar. Tani duhet të presim për orët vendimtare”, ka thënë ai në një konferencë për media.
30-vjeçari është huazuar këtë sezon tek Interi nga Manchester Unitedi.
