Ilaçi “Ranitidin” është tërhequr edhe në Maqedoni, përmban substancë që shkakton kancer

Nga tregu në Serbi dhe Kroaci tërhiqet ilaçi Ranitidin për shkak të dyshimit që substanca aktive përmban “n-nitrozodimetilamin (NDMA)”, që është kancerogjene dhe mund të shkaktojë kancer. Kompanija “Hemofarm”, për shkaqe kujdesi, për shkak të mbrojtjes së shëndetit të qytetarëve i tërheq të gjitha seritë e ilaçit Ranitidin. Mediat serbe shkruajnë që nga shitja janë tërhequr ilaçet nga të gjithë prodhuesit të cilat përmbajnë ranitidin, njofton Nova Tv.

Në Kroaci në anën tjetër, janë tërhequr të gjitha ilaçet që përmbajnë ranitidin të prodhuesit “Sarac Laboratories Ltd”, me kërkesë të Agjencisë amerikane për ushqim (FDA) dhe Agjencisë evropiane për ilaçe (EMA). Janë tërhequr ilaçet Ranitall, Ranih, ndërsa Peptoran dhe të tjera të ngjashme janë duke u testuar. Edhe kompania Sandoz nga tregu i ka tërhequr të gjitha rezervat e ilaçeve.

Në Agjencinë për ilaçe (MALMED) nuk bëjnë të ditur a janë njoftuar barnatoret dhe mjekët amë për paralajmërim për tërheqjen e ilaçit Ranitidin. Prapë se prapë, në komunikatën me kërkesë të mediave është theksuar që ilaçin e tërheqin nga qarkullimi këta bartës të licencës:

– LEK-Skopje Lek d.d. Ljubljana SHPKPV, Ranital 150 mg tabletë e mbështjellur me film dhe

– HEMOFARM SH.A. PËRFAQËSI PËR INDUSTRI FARMACEUTIKE – KIMIKE Shkup, Ranitidin 75 mg tabletë që shkumon/tretet.

Ilaçe që përmbajnë ranitidin si substancë aktive kanë aplikim më të gjerë tek të sëmurit me gjendje ulçerë në lukth me qëllim të reduktimit të krijimit të thartirës në lukth.

Nga MALMED thonë që në territorin e Republikës së Maqedonisë së Veriut mund të blihen edhe ilaçe tjera për trajtim të gjendjeve të njëjta të cilat mund të aplikohen si terapi zëvendësuese. Pacientët duhet të drejtohen te mjeku i tyre amë apo farmaceuti në rast të çfarëdo pyetjeje në lidhje me terapinë.

“Agjencia evropiane për ilaçe (EMA) fillon revizion të ilaçeve që përmbajnë ranitidin si substancë aktive pasi është detektuar N-nitrozodimetilamin (NDMA)” me kërkesë të Komisionit Evropian, EMA fillon vlerësim të ilaçeve që përmbajnë ranitidin si substancë aktive pasi është detektuar kontaminim me N-nitrozodimetilamin (NDMA) në disa prej tyre.

Nitrozaminet klasifikohen si materie të mundshme kancerogjene për njerëzit (substanca që mund të shkaktojnë karcinom) në bazë të studimeve mbi kafshët.

Në vitin 2018, nitrozaminat kanë qenë të detektuara në ilaçe për trajtim të shtypjes së rritur të gjakut të njohur si “sartane”, që ka çuar deri në tërheqje të disa prej tyre dhe vlerësim të sërishëm në nivel të BE-së, me çka janë përcaktuar kërkesa të rrepta për prodhim të këtyre ilaçeve”, thuhet në përgjigjen nga MALMED.

Bëhet fjalë për shumë ilaçe të njohura që shpesh përdoren nga njerëzit, ndërsa merren edhe pa recetë. Për momendin janë duke u shqyrtuar të gjitha ilaçet me bazë të ranitidinit, por nuk është përjashtuar mundësia në listën e ndaluar të gjenden edhe ilaçe tjera.

“Bartësit e licencave për futje të ilaçeve në qarkullim janë përgjegjës për sigurim të prodhimtarisë së ilaçeve në pajtim me rregulloret ekzistuese. Si rezultat i kësaj, ata janë përgjegjës për siguruar cilësi krejtësisht të mjaftueshme në secilën seri të produkteve, duke e përfshirë edhe cilësinë e substancave aktive dhe ekscipiensëve. Për bartësit e licencave, EMA do të sigurojë udhëzim për shmangie të prezencës së kontaminimit me nitrozamin, që bartësit duhet ta marrin parasysh në proceset e prodhimit të produkteve të tyre.

Gjithashtu, Komiteti për ilaçe humane (SNMR) pranë EMA i ka vlerësuar të gjitha dituritë shkencore në dispozicion për prezencën e nitrozamineve në ilaçet dhe do të jep rekomandim për organet rregullatore për aktivitetet që duhet të ndërmerren nëse prodhuesit zbulojnë nitrozamine në ilaçet e tyre.

EMA do t’i shqyrtojë të gjitha të dhënat në dispozicion për t’u vlerësuar nëse pacientët të cilët përdorin ranitidin janë në çfarë do rreziku nga N-nitrozodimetilamin (NDMA) dhe për të njëjtën çështje menjëherë ta njoftojë publikun”, theksojnë në MALMED.

LEXO: Konsultohuni me mjekun për përdorimin e Ranitidinës! Ilaçi po ndalohet në Evropë