Reagoi ASH: Të hetohen edhe rastet ku janë të përfshirë zyrtarët e BDI-së
Pas arrestimit të prokurores Katica Janeva, ka reaguar partia opozitare Aleanca për Shqiptarët (ASH) përmes një komunikate, transmeton Portalb.mk.
“Përshëndesim vendimin e prokurorisë për të zbardhur dhe hetuar në tërësi rastin “Zhvatja” duke i dërguar në bankën e të akuzuarve të gjithë përgjegjësit e këtij skandali përfshirë edhe Prokuroren Katica Janeva”, thuhet në deklaratën e ASH-së.
ASH përkujtoi institucionet e drejtësisë që të hetojnë edhe rastet tjera ku janë të përfshirë edhe zyrtarët e BDI-së.
“Bëjmë thirrje institucioneve kompetente të drejtësisë që ti hetojë të gjitha lëndët tjera të hapura nga Institucionet e drejtësisë ku bëjnë pjesë edhe zyrtarët e BDI, duke filluar nga rasti i Magjar Telekomit, Pacientit, Titanik 3 dhe ai i aferës në Fondin Pensional Invalidor dhe shumë raste tjera”, deklarojnë nga ASH.
Që të arrihet drejtësia e plotë, nuk duhet të jetë selektive, pra të jetë e njëjtë për gjithë pushtetin, thuhet ndër të tjera në komunikatën e ASH-së.
- LEXO: Është arrestuar prokurorja speciale, Katica Janeva (VIDEO)
- LEXO: Rasti “Reket”, prokurori Burim Rustemi pas dëshmisë: Nuk kam pasur trysni
- LEXO: Pas pesë orësh pyetje, Stefanova nuk zbuloi detaje për deklaratën në prokurori
- LEXO: Prokurorja Josifovska sot dëshmoi për rastin “Reket”
- LEXO: Kiçeec u mor në pyetje nga Ruskoska, nesër e ka radhën Katica Janeva
LEXO PËR LËNDËN: REKET
