Popovski: Marrëveshja kornizë le derë të hapur që gjuha shqipe të bëhet gjuhë e dytë zyrtare

“Marrëveshja kornizë le derë të hapur që gjuha shqipe të bëhet gjuhë e dytë zyrtare në vend”, deklaroi profesori universitar Vllado Popovski, që është edhe njëri nga përpiluesit e Kushtetutës së parë të Maqedonisë, në emisionin “24 Analiza” të televizionit “24 Vesti”.

“Marrëveshja e Ohrit kur e pranon zyrtaritetin e asaj gjuhe, në të njëjtën kohë e konkretizon përdorimin e saj si gjuhë zyrtare në organet e pushtetit. Gjuha e dytë zyrtare, ose gjuha të cilën e flasin 20% e popullatës së vendit, poashtu mund të jetë gjuhë zyrtare, në përputhje me ligjin. Pra, duhet të sillet ligj, e që të sillet ligji duhet të ketë pajtueshmëri, dhe kjo pajtueshmëri së pari shkon në qeveri, për shkak se atje përgatitet propozimligji, e pastaj në Kuvend dhe atje vendoset kur do të sillet dhe si do të sillet ligji,  dhe në atë mënyrë do të zbatohet ai në organet e pushtetit qendror”, tha profesori Popovski.

Më poshtë mund ta ndiqni videon. /Portalb