U dhanë me qira të gjitha zyrat popullore të Presidentit

Zyrat popullore të Presidentit jepen me qira. Ish kryetari i shtetit Gjorge Ivanov ka mbyllur të gjitha zyrat përmes të cilave ka komunikuar me qytetarët, ndërsa presidenti i ri Stevo Pendarovski, planifikon t’i shndërrojë në qendra rinore. Kontakti i vetëm i qytetarëve për ankesa, iniciativa ose lutje me presidentin e shtetit mbetet përmes postës”, njofton Alsat-M.

Nga kabineti i presidentit nuk japin detaje për buxhetin vjetor që parashikohet për zyrat popullore. Sipas tyre, pas analizës që është në hartim e sipër, do të dihet qëllimi dhe shuma e mjeteve për të njëjtat zyra.

Zyra të tilla ka pasur edhe nëpër qytete tjera, por siç bëjnë me dije nga Vodno, të gjitha janë mbyllur me vendim të ish presidentit Gjorge Ivanov.