Paraliza e gjumit, a ju ka ndodhur edhe juve?
Zgjohesh papritmas, përpiqesh të lëvizësh por pa sukses! Dëgjon britma që të mbysin në fyt dhe ke një paaftësi për të kryer lëvizje: këto janë ndjenjat e lidhura me paralizën e gjumit! Frika, ndenja e shtrëngimit, vështirësia në frymëmarrje, ankthi, shkruan Class.
Çfarë është paraliza e gjumit dhe cilat janë shkaqet? E njohur gjithashtu si paralizë hipnagogjike, ky është një çrregullim gjumi që zakonisht zgjidhet brenda një periudhe shumë të shkurtër kohe, nga disa sekonda në një maksimum prej dy minutash. Megjithatë, frika dhe ndjenja e panikut mund të jenë shumë intensive.
Legjenda e demonit të gjumit
Ideja e një fryme demonike të lidhur me gjumin është e zakonshme për kulturat e ndryshme dhe shumë e lashtë: ne e gjejmë në përrallat, mitet skandinave dhe legjendat që tregojnë për monstra groteske, të ngjashme me kukudhët e këqij.
Edhe pse është një histori e largët, imazhi që buron nga ky mit, në thelb na flet për diçka shumë të tanishme, thellësisht të lidhur me gjendjen që është përshkruar si paralizë gjumi: një gjendje atonie dhe paralizë muskulore në lidhje me vështirësitë e frymëmarrjes, ndjesitë e panikut dhe ankthit.
Paraliza e gjumit: çfarë është?
Nga këndvështrimi fiziologjik, gjatë paralizës së gjumit, trupi mbetet në një gjendje pushimi, mendja është e ndërgjegjshme, kështu që ata që përjetojnë paralizën e gjumit janë në gjendje të perceptojnë rrethinën e tyre, të shohin dhe të dëgjojnë. Përgjigja ndaj stimujve ndijor duket të jetë e zvogëluar dhe është e pamundur të kryhen veprime vullnetare. Në disa raste vetëm lëvizja e syve apo e gjuhës është e mundur: gjymtyrët nuk përgjigjen më shumë ose vetëm pak.
Terapia MR bazohet në katër ndërhyrje dhe ju vjen në ndihmë:
1. Para së gjithash, rivlerësimi i kuptimit të sulmit në nivelin njohës, që kryhet a posteriori, me sy të mbyllur, duke menduar për ngjarjen.
2. Së dyti, fokusi është në rregullimin emocional, ose një shkëputje progresive nga ngjarja, në një nivel emocional dhe psikologjik.
3. Së treti, u testua një protokoll i brendshëm i meditimit i përqendruar në vëmendjen ndaj një objekti emocionalisht pozitiv.
4. Së fundi, hapi i katërt ka të bëjë me relaksimin e muskujve, të cilat mund të përmirësojnë kontrollin dhe lëvizjen e frymëmarrjes, si dhe reagimin e panikut.
