Goran Trajkovski dha dorëheqje nga funksioni i drejtorit të Drejtorisë për Mbrojtjen e të Dhënave Personale
Goran Trajkovski dha dorëheqjen nga zyra e Drejtorisë në Drejtorinë për Mbrojtjen e të Dhënave Personale (DMDHP). Trajkovski në dorëheqjen, e cila u dorëzua në parlament të premten, shkruan se për arsye personale ai largohet nga DMDHP.
Ai për Plusinfo nuk dha detaje se pse u largua nga funksioni një vit e gjysmë para se të mbaronte mandati i tij, përcjell Portalb.mk. Në pyetjen se nëse ai do të shkojë në një funksion tjetër, Trajkovski thotë:
“Të presim të kryhet kjo, e më pas do shohim”.
Në dorëheqjen e tij, ai shpreh mirënjohjen e tij për besimin që iu dha kur u bë drejtor, siç thotë ai, kur Maqedonia u përball me probleme të rënda në privatësi, gjë që uli besimin e qytetarëve në institucione, të cilat u gjetën gjithashtu edhe nga ekspertët e udhëhequr nga Reinhard Priebe.
“Në periudhën e kaluar, menaxhimi i Drejtorisë për Mbrojtjen e të Dhënave Personale u ndihmua shumë nga punonjësit, Parlamenti dhe institucionet përkatëse qeveritare, ne arritëm të tregojmë dhe provojmë se dobësitë janë të njohura dhe ne i njohim dhe mund t’i zgjidhim ato sipas praktikave më të mira evropiane në fushën e mbrojtjes së të dhënave personale sipas vlerave evropiane, ” shkruan Trajkovski në dorëheqjen e tij.
Trajkovski gjatë kohës kur në pushtet ishte ish kryeministri Nikolla Gruevski, kishte postin e drejtorit të Zyrës së të Ardhurave Publike dhe në Drejtorinë për Mbrojtjen e të Dhënave Personale është nga viti 2016.
