Më 28 Nëntor Prishtina e Tirana lidhen me autostradë
Duke iu përgjigjur pyetjeve të deputetëve rreth kostos së punëve të kryera në magjistralen “Ibrahim Rugova”, ministri i Infrastrukturës, Fehmi Mujota, pa dhënë detaje për koston, deklaroi sot në mbledhjen e Kuvendit të Kosovës se punimet në segmentin e pestë të autostradës po shkojnë sipas dinamikës dhe sipas planit të paraparë.
Ai ka shtuar se segmenti Morinë-Gjurgjicë përurohet më 27 nëntor.
Më 28 Nëntor shtetasit e Kosovës mund të udhëtojnë nga Prishtina drejt Shqipërisë, ose ata të Shqipërisë drejt Kosovës, nëpër autostradë, për të festuar kështu edhe një shekull të pavarësisë së Shqipërisë.