Data e BE-së: Zaevi i bindur se këtë verë do të ndodh, VMRO-ja pesimiste

Dilema se a do ta marrë Republika e Maqedonisë së Veriut datën për nisjen e negociatave me Bashkimin Evropian (BE), ose jo, përplasi sot kryeministrin Zoran Zaev edhe nënkryetarin e VMRO-DPMNE-së, Aleksandar Nikollovski, transmeton Portalb.mk.

Zaevi është i bindur se datë do të ketë këtë verë, edhe përskaj procesit zgjedhor evropian, dhe mosmiratimit të Ligjit për prokurori publike.

“Jo vetëm që do të ketë vendim pozitiv për ne, por vërtetë ne jemi shembull i mirë për rajonin. Dhe ajo do të ndodh, këtë verë. Do të ndodh këtë verë”, tha Zaevi.

Ndërkaq sipas Nikollovskit datë nuk do të ketë, sepse nuk ka reforma.

“Sot të gjithëve u është e qartë, se as këtë qershor datë për nisjen e bisedimeve me BE-në nuk do të ketë. Për fat të keq, nuk do të ketë. Kjo ndodh kështu sepse nuk ka reforma në fushat më të rëndësishme”, tha Nikollovski.

LEXO: Në BE të gjithë e kanë të qartë se këtë vit duhet të fillojmë negociatat, thonë nga Qeveria
LEXO: Hani ka shpresë nga Samiti i Berlinit: Pres në fund të majit të rekomandohet çelja e negociatave