Hyri në librin e rekordeve Guinness duke e shtyrë automjetin për 100 kilometra
Një kroat, Tomislav Lubenjak, ka hyrë në librin e rekordeve Guinness, pasi ka shtyrë një automjet prej 730 kilogramësh për 100 kilometra, raporton Anadolu Agency (AA).
Lubenjak i cili gjatë 17 orëve me duar ka shtyrë automjetin nëpër rrugët e kryeqytetit të Kroacisë, Zagreb, ka thyer rekordin e mëparshëm prej 83 kilometrash.
Kroati me këtë tërhoqi vëmendjen e qytetarëve dhe turistëve, ndërsa e uruan atë me duartrokitje.