Zaev në REK Manastir: Me 20.4 milionë euro do të furnizohen filtra të reja elektrostatike

Më 29 mars është shpallur tenderi për furnizim dhe instalim të filtrave të reja elektrostatike në “REK Manastir”. Investimi përfshin 20.4 milionë euro që kompania i siguron nga burimet e veta. Njëra nga kompanitë më të rëndësishme në pronësi të shtetit investon më shumë se 20 milionë euro që vetë i ka fituar, që do të thotë se në kohët e kaluara kur elektranet shtetërore nuk kishin rrymë të mjaftueshme, është importuar rrymë e shtrenjtë për plotësimin e nevojave të konsumatorëve në vend, ndërsa kohës së fundit, bën edhe shitje të tepricave me të cilën realizon përfitim edhe për buxhetin privat dhe shtetëror.

Këtë sot e deklaroi kryeministri, Zoran Zaev i cili e vizitoi “REK Manastirin” dhe u takua me drejtorin Vasko Kovaçevski dhe me Bordin drejtues  të kompanisë, transmeton Portalb.mk.

“Investimi në rikonstruktimin e sistemit të filtrave elektrostatike të REK Manastirit është shumë irëndësishm dhe është më i madhe në fushën e mbrojtjes së ambientit jetësor në vend. Mbrojtja e ambientit jetësor në vend tani paraqet një nga prioritetet e Qeverisë dhe do të jetë edhe më i rendësishm që Republika e Maqedonisë së Veriut të hapërojë drejt NATO-s dhe Bashkimit Evropian, ku standartet janë në nivel të lartë”, tha Zaev.

Zaev theksoi se elektranet shtetërore do të kenë përkrahje qeveritare në të gjitha hapat dhe projektet që i planifikojnë dhe realizojnë dhe theksoi se, pa sistem elektrostatik, nuk ka shtet stabil.