Shkup, dy fëmijë janë goditur nga një veturë, njëri në gjendje të rëndë shëndetësore
Dy fëmijë të moshës 9 –vjeçare dje janë goditur nga një veturë “Volkswagen Touareg” në rrugën “Alija Avdoviq” në Shkup, ku njëri nga fëmijët ka marrë lëndime të rënda trupore. Veturën e ka vozitur S.R., 31-vjeçar nga Shkupi, transmeton Portalb.mk.
“Fëmijët janë dërguar në spitalin shtetëror ku te njëri fëmijë janë konstatuar lëndime të rënda trupore, ndërsa te tjetri më të lehta. Është kryer ekspertizë në vend dhe po punohet për zbardhjen e plotë të rastit”, njoftojnë nga Ministria e Punëve të Brendshme.
