Ndërmjetësuesi i çështjes së emrit, Nimic e fton Greqinë ta ratifikojë Marrëveshjen e Prespës
Ndërmjetësuesi special i Kombeve të Bashkuara në kontestin e emrit, Metju Nimic e fton Greqinë ta ratifikojë Marrëveshjen e Prespës, pasi që pala e Maqedonisë i plotësoi obligimet e saja, transmeton Portalb.mk.
“Pas njoftimit nga ish-Republika Jugosllave e Maqedonisë se ka mbaruar procedura për miratimin e ndryshimeve kushtetuese dhe procedurat vendore juridike për hyrje në fuqi të Marrëveshjes së Prespës, dhe sipas dispozitave ratifikimi duhet të vazhdojë në Republikën e Greqisë. Me padurim e pres mbarimin e procesit siç është theksuar në marrëveshje”, shkroi Nimic.
