Kryetari Ganiu: Në janar do të hapet tenderi për gasifikimin në Çair – përfshihen tre objekte
Kryetari i Komunës së Çairit, Visar Ganiu nëpërmjet një video të shpërndarë në rrjetin social “Facebook” ka njoftuar se në muajin janar të 2019-s do të hapet tenderi për gasifikim, i cili do të përfshijë tre objekte dhe do të kushtojë 12 milionë denarë, transmeton Portalb.mk.
Siç njoftoi Ganiu, gasifikimi do të përfshijë objektin e Komunës së Çairit, objektin e Shkollës Fillore Komunale “Ismail Qemali” dhe objektin e Çerdhes “Borëbardha”.
“Pasi që buxheti për vitin 2019 edhe u miratua, tani në janar do të hapet procedura e tenderimit, dhe pas përfundimit të procedurave ligjore do të fillojë edhe realizimi i tij. Si projekt, kemi paraparë kyçjen e gasifikikimit për tre objekte: godina e Komunës së Çairit, objekti i Shkollës Fillore Komunale “Ismail Qemali” dhe objekti i Çerdhes “Borëbardha””, tha Ganiu.
Siç informoi më tej, shuma për këtë projekt arrin vlerën prej 12 milionë denarë, kurse kursimi vjetor do të arrijë vlerën prej 3.4 milionë denarë.