Solari: Bale është sensacional
Trajneri i Real Madridit, Santiago Solari ka thurë elozhe për yllin e skuadrës së tij, Gareth Bale.
Real Madrid fitoi ndaj Kashima Antlers me rezultat 3-1 duke u kualifikuar në finale të Kupës së Botës për klube, falë tri golave të shënuara nga Bale.
“Jam i lumtur për tre golat e shënuara nga Bale dhe për qëndrueshmërinë dhe konsistencën e ekipit”, ka thënë Solari në një konferencë shtypi, transmeton Telegrafi.
Solari dhe Bale
“Ai kishte një ndeshje sensacionale, ai ka treguar atë që është dhe çfarë është i aftë të bëjë”.
“Në fund, personi i fundit përgjegjës për një paraqitje është gjithmonë futbollisti”.
“Ajo që dominon futbollin janë golat dhe Bale i shënoi ato”, përfundoi argjentinasi.
