Veseli propozon që në një dokument të përfshihen kërkesat e pozitës dhe opozitës
Kryeparlamentari Kadri Veseli merret vesh se ka propozuar në Kryesinë e Kuvendit që të përfshihen në një dokument kërkesat e pozitës dhe të opozitës sa i përket dialogut me Serbinë.
Sipas burimeve të KTV-së, ai ka propozuar që në një seancë të votohet dokumenti ku përfshihet rezoluta e opozitës për ndalim të negocimit për territore dhe ekipi negociator, propozim i qeverisë.
Mësohet se LDK-ja ka kundërshtuar këtë ide.
Mblidhet Kryesia e Kuvendit
Është mbledhur Kryesia e Kuvendit për të vendosur lidhur me dy seancat e dështuara për ekipin negociator dhe për rezolutën e opozitës për ndalimin e negocimit të kufijve në dialog me Serbinë.
Në mbledhje janë të gjithë shefat e grupeve parlamentare.