Është lënduar rëndë një fëmijë nga Serbia në një aksident në Çair
Një fëmijë tetë vjeçar nga Republika e Serbisë është lënduar rëndë mbrëmë në një aksident në udhëkryqin në Çair pasi është goditur nga veturë e tipit “Golf” me targa të Shkupit, drejtuar nga F.K. (46) nga Bllaca e Shkupit.
Siç ka njoftuar MPB, aksidenti ka ndodhur në ora 22:30 në udhëkryqin në rrugën “Sllavej Pllanina” në rrugën “362”, rruga “Brigada maqedono-kosovare” dhe rrugën “Xhon Kenedi” në Shkup.
Nga goditja, djaloshi ka marrë lëndime të rënda trupore dhe është dërguar në spitalin e Qytetit “Shën Naum Ohridski”.
Mbikëqyrje në vendin e ngjarjes ka kryer ekip i SPB të Shkupit. Po ndërmerren masa për zbardhjen e plotë të rastit.
