Para referendumit, kancelari austriak – Kurc vjen në Shkup
Sebastian Kurc, kancelar i Austrisë – shtet që aktualisht kryeson me Bashkimin Evropian, për 7 shtator, tre javë para mbajtjes së referendumit do ta vizitojë Maqedoninë, njofton Portalb.mk.
Vizita e Kurcit në Maqedoni vjen pas ftesës që kryeministri i Maqedonisë, Zoran Zaev ia ka bërë të njëjtit dhe shumë kryeministrave tjerë të Evropës, që të gjitha priten të realizohen para referendumit që mbahet më 30 shtator ku qytetarët e Maqedonisë do të përgjigjen në pyetjen: “A jenë për anëtarësim në NATO dhe BE me pranimin e marrëveshjes me Greqinë?”.
Në takimin e fundit Kurc – Zaev që u realizua në Vjenë, në fund të qershorit, Kurc apeloi deri te qytetarët e Maqedpnis që në referendum të votojnë “për” emrin “Republika e Maqedonisë së Veriut”.
“Marrëveshja me Greqinë për emrin është një përparim në procesin e afrimit të Maqedoni me BE-në”, pati deklaruar Kurc, duke theksuar se BE-ja nuk është e plotë, pa integrimin të Ballkanit Perëndimor.
Për mediat austriake, Kurc ka paralajmëruar se temë diskutimi në takimin me Zaev do të jetë realizimi i Planit të Skriningit.
Kurc, deri sa kryente funksionin ministër i Punëve të Jashtme i Austrisë, në kohën kur VMRO-DPMNE-ja ishte në pushtet, është parë i pranishëm në mitingut përmbyllës të VMRO-së që u mbajt për zgjedhjet parlamentare 2016.
Prania e Kurc në mitingun e VMRO-së u mor si shenjë përkrahje, por atëherë Kurc u deklarua se nuk ka kundërthënëse në atë që ka dhënë përkrahje partisë simotër – VMRO-së.
