Eleni Foureira nderohet me mirënjohje nga Erion Veliaj
Mbrëmë, këngëtarja e njohur, Eleni Foureira ka mbajtur një koncert madhështor në Tiranë.
Bukuroshja nga Fieri, muaj më parë kishte njoftuar se do jetë e pranishme në një koncert në Shqipëri, me 25 korrik, njofton Telegrafi.com.
Ndonëse nuk është publikuar ende ndonjë fotografi apo video nga koncerti i lartpërmendur Eleni me siguri që ka ‘ndezur’ atmosferën në vendin e saj.
Megjithatë, 31 vjeçarja është nderuar me mirënjohje nga kryebashkiaku i Tiranës, Erion Veliaj i cili ndau një foto me ndjekësit në Instagram.
“Foto e ditës”, është përshkrimi i Veliajt që ia ka bashkangjitur imazhit.
Ndryshe, Eleni në Festivalin Evropian të këngës e përfaqësoi Qipron me këngën “Fuego”, ndërsa ishte shumë pranë që ta fitonte garën.
