“Benzi-n” me hashash drejt Greqisë, arrestohen dy shqiptarë (FOTO)
Në kufirin e gjelbër me Greqinë është goditur një tjetër rast i trafikut të drogës. Mësohet se dy shqiptarë janë arrestuar në afërsi të Kozanit, pasi gjatë kontrollit të automjetit iu gjet një sasi prej 41,5 kg kanabis.
Droga e sekuestruar nga policia ishte e ambalazhuar në 36 paketa dhe ndodhej në portbagazhin e makinës, transmeton Gazeta Shqip.
Gjithashtu janë sekuestruar 3 celularë, karta SIM dhe 120 euro. Në pranga u vunë dy shqiptarë të moshës 38 dhe 53 vjeç. Ata do të dalin para prokurorit të Kosturit, ndërkohë që po vazhdojnë hetimet për të zbardhur destinacionin dhe marrësit në dorëzim.