Ish-drejtoresha e onkologjisë fitoi padi penale
Kundër ish-drejtoreshës së Klinikës për radioterapi dhe onkologji, Simonida Cërvenkova është ngritur padi penale për shkak të dyshimit për kryerje të veprës penale “Keqpërdorim i pozitës zyrtare dhe autoritetit”, informojnë nga Ministria e Punëve të Brendshme.
MPB-ja informoi se Cërvenkova, në pozitë të drejtoreshës së Klinikës universitare për radioterapi dhe onkologji, gjatë vitit 2011, duke e shfrytëzuar pozitën e saj zyrtare në kundërshtim me dispozitat e marrëveshjes për furnizim të barnave, si dhe me rangimin e barnave në specifikimin për furnizim, të cilat sipas sasisë dhe efektit të tyre nuk kanë qenë në listen pozitive të Fondit për sigurim shëndetësor të Maqedonisë, i ka shkaktuar dëm fondit, edhe atë në shumë prej 104.000 euro, ndërsa Klinikës universitare I ka shkaktuar dëm prej 247.000 euro.
Ministri i shëndetësisë Nikolla Todorov i ka shkarkuar drejtorin medicinal dhe atë ekonomik të Klinikës për radioterapi dhe onkologji, Cërvenkova dhe Aneta Kostovska në shkurt të këtij viti, pasi që, siç u tha, kanë bërë rezerva të barnave të shtrenjta, edhe pse kanë mundur t’i blejnë për 24 herë më lirë. /portalb/