Mediat greke: Zaev dhe Dimitrov nëpërmjet fotografive kanë dërguar porosi

Fotografitë nga Strumica, të publikuara dje në rrjetet sociale nga kryeministri, Zoran Zaev dhe ministri i Punëve të Jashtme, Nikolla Dimitrov, nuk kanë ngelur pa u komentuar nga mediat greke, të cilat të njëjtat i interpretuan si porosi për Athinën, njofton Portalb.mk.

“Fotografi simbolike dhe porosi e Zaevit dhe Dimitrovit për Athinën: Në të njëjtën linjë”; “Zaev – Dimitrov: Në të njëjtën linjë dhe bashkë në pushim”; “Twitti i Zaevit me porosi për marrëdhëniet e tij me Dimitrovin”; “Shëtitje me motoçikleta dhe porosi e Zaevit deri te Athinë për çështjen e Shkupit”; “Zaev dhe Dimitrov voziten me motoçikleta”, janë disa nga titujt e portaleve greke.

Mediat greke i kanë transmetuar si fotografitë, ashtu edhe porositë që i ka dërguar Zaev dhe Dimitrov.

“Demant personal ndaj spekulimeve sipas të cilave ka mospajtueshmëri mes ministrit të Punëve të Jashtme, Nikolla Dimitrov dhe kryeministri Zoran Zaev në lidhje me bisedimet për kontestin e emrit”, shkruan portali “Iefmerida”, transmeton Portalb.mk.

“Sipas të gjitha gjasave porosia që kanë dashur ta dërgojnë Zaev dhe DImitrov është – gjithçka është në rregull në lidhje  me kryeministrin e IRJM-së Zoran Zev dhe ministrin e MPJ-së Nikolla Dimitrob pas shkrimeve të shumta në  media se ekzistojnë mospajtueshmëri për çështjen e kontestit të emrit”, shkrua portali “Reader”.

“Kryeministri i Shkupit në një postim në rrjetet sociale, bashkë me fotografitë ka shkruar: Në të njëjtën linjë, duke dashur që t’i rrëzojë skenarët, sipas të cilave, ka qëndrim të ndryshëm me ministrin e tij, në lidhje me kontestin e emrit”, shkruan portali “Elefteros Tipos”.

http://portalb.mk/532921-zaev-do-te-bisedoje-ne-telefon-me-ciprasin-eshte-arritur-zhvillim-ne-bisedime-gjate-vikendit/