Martesë mbi kanion; dy ekuilibristët, spektakël në 121 m lartësi (VIDEO)
Ryan Jenks dhe Kimberly Weglin e çuan lidhjen në kurorë në lartësi të reja. Dhe kjo, ne kuptimin e parë të fjalës.
Poshtë ishte humnera, njerëz të tjerë do ta kishin tejet të vështirë një pamje e tillë, por Ryan dhe Kimberly janë ekuilibristë. Kjo ishte dhe arsyeja qe i shtyu të dalin me një ide kaq të guximshme.
“Na pëlqen që të dyve ecja mbi litar. te dy e kemi kthyer ate ne pjese te rendesishme te jetes sone ndaj ishte shume e lehte qe te vendosnim se ku do te martoheshim”, shprehet dhëndri.
Për të përmbushur këtë dëshirë, çifti përdori një rrjetë nga ato që vendosen zakonisht mbi kanione, por duke i bere disa rregullime.
“Normalisht, rrjeta të tilla kanë një të çarë në mes nga ku njerëzit të mund të hidhen. Kështu që ne na u desh ta mbushnim atë dhe ta bënim sa më të qëndrueshme”, u shpreh nusja.
Aq e fortë u bë rrjeta, sa e vetmja gjë qe mund te luhatej aty ishin vetëm nervat. Tani që ndodhen në terren të sigurt, Jenks dhe Weglin e kanë nisur mjaft të balancuar jetën e tyre të re martesore.
