Pjesëtarët e familjes turke gjenden të vdekur në Gjermani
Një familje turke me 4 pjesëtarë është gjetur e vdekur në shtëpinë e tyre në rajonin Baden-Württemberg të Gjermanisë raporton Anadolu Agency (AA).
Zëdhënësi i policisë në Reutlingen, Christian Wörner, në një deklaratë për AA është shprehur se 4 persona nga të cilët 2 fëmijë, anëtarë të një familjeje turke janë gjetur të vdekur në shtëpinë e tyre në qytetin Esslingen.
Duke vënë në dukje se ngjarja e ndodhur është tragjike, Wörner, tha se sipas hetimeve paraprake shkaku i vdekjes është për shkak të helmimit nga monoksid karboni.
Wörner tha se ekipet e zjarrfikëses dhe të kërkim-shpëtimit po vazhdojnë punimet në shtëpinë ku janë gjetur trupat e pajetë.