Petulla të mbushura: Surprizë e ëmbël me brumë të fryrë
Ëmbëlsirë e mirë për ditët e ftohta të dimrit.
Përbërësit:
- 750 g miell
- 4 lugë sheqer
- 5 dl qumësht
- 1 katrorë tharm (maja) të freskët
- 1 vezë
- 1 e verdhë e vezës
- 100 g sheqer
- 100 g reçel kumbulle
- vaj për skuqje
- Treteni në qumësht tharmin dhe një lugë çaji sheqer, pak miell dhe e leni të fryhet. Në ndërkohë përzieni vezën me sheqerin e mbetur, të verdhin e vezës dhe qumështin, shtoni miell dhe kripë
- Gatuani brumin duke shtuar gradualisht vajin, gjatë tërë kohës duke e rrahur brumin me lugë druri deri sa të paraqiten fluskat. E leni të fryhet, pastaj brumin e gatuani edhe një herë, e shtrieni në gjysmë centimetri dhe nxirrni rrathë me gotë.
- Në secilin rreth vendosni pak reçel(marmeladë), dhe mbulojini me një rreth tjetër duke i shtypur skajet që të ngjiten. I leni petullat të fryhen akoma dhe i skuqni në vaj të thellë. Kur petullat janë të gatshme i spërkatni me sheqer pluhur.
