Shqipëri, Djali vret babain me çekiç
Një vrasje tronditëse u zbardh nga Policia e Tiranës mëngjesin e së dielës.
Selman Alija, 28 vjeç, dyshohet të premten në darkë se ka vrarë të atin në oborrin e shtëpisë së tyre, në zonën e Shkozës. Më pas, e ka futur trupin e pajetë të babait të tij në makinën e familjes dhe e ka hedhur në Liqenin e Farkës, ku sot në mëngjes u gjet nga policia, transmeton Top Channel.
Ai e ka qëlluar të atin 74-vjeçar me çekiç disa herë në pjesën e kokës, duke i shkaktuar vdekjen e menjëhershme pas një sherri për motive të dobëta.
Policia ka zbuluar edhe armën e krimit. Selman Alija është arrestuar dhe ndaj tij rëndon akuza për veprën penale “vrasje për shkak të rrethanave familjare”.
