Është gjetur një trup i pajetë në afërsi të fshatit Strimnicë të Tetovës
Dje një person me iniciale Q.H në stacionin policor denoncoi se në një rrugë për në fshatin Strimnicë është gjetur një trup i pajetë i një mashkulli të panjohur në moshë prej rreth 40 vjet, njofton Portalb.mk.
Nga ana e ekipit të ekspertizës nga Sektori për Punë të Brendshme Tetovë në bashkëpunim me prokurorin publik dhe mjekun ligjor, është kryer ekspertizë në vendin e ngjarjes ku është konstatuar se personi ka ndërruar jetë në vend.
Nga ana e mjekut nga Mjekësia ligjore të Klinikës së Tetovës është kryer kontrolli jashtëm në trupin e të vdekurit, por nuk janë gjetur gjurmë të dhunës.
Pas urdhrit të prokurorit publik trupi është dhënë për autopsi.
