Dimitrov: Deri në fund të nëntorit takim i negociatorëve për kontestin për emrin

Deri në fund të këtij muaji do të mbahet takim i nivelit të negociatorëve lidhur me kontestin për emrin. Jemi afër fundit me konfirmim të datës. Në këtë fazë të parë nuk do të ketë vizitë të ndërmjetësuesit Methju Nimic dhe sapo të definohet e gjithë kjo do të informojnë nga zyra e ndërmjetësuesit.

Këtë e deklaroi shefi i diplomacisë së Maqedonisë Nikolla Dimitrov në konferencën e sotme për shtyp në Qeveri në të cilën u paralajmërua mbajtje e Samitit digjital të Ballkanit Perëndimor, nikoqir i së cilës vitin e ardhshëm do të jetë Republika e Maqedonisë.

Duke e komentuar deklaratën e zëvendës-ndihmësit sekretarit të shtetit amerikan Hoj Brajan Ji se zgjidhja e çështjes së kontestit me emrin është deri tani më afër gjetjes së zgjidhjes, Dimitrov theksoi se ekziston përpjekje që të krijohet një klimë pozitive, e cila sipas tij, është meritë e mësimit të mësuar me Maqedoninë e cila u la një kohë të gjatë të presë në pushimoren e BE-së.

“Në atë proces unë do të dëshiroja që krahas fjalëve të mira të ketë edhe qëndrime konstruktive për shkak se ky do të jetë mësim. Është fakt se ky ishte proces që ishte në ngecje një kohë më të gjatë mes të tjerash edhe për shkak se u imponuan çështje të tjera të cilat vetvetiu paraqisnin pengesë në integrimet tona afër ose duke ndërtuar mbi pengesën rreth dallimit për emrin – rruga demokratike, problemet me gjyqësi të varur, me media jo të lira. Për shkak se ka një përpjekje serioze me ndryshimin politik që e përjetoi Maqedonia të punohet në mënjanimin e këtyre pengesave dhe ka mësim të caktuar – çfarë ndodh kur do të mbyllni një vend-kandidat në pushimore një kohë më të gjatë është e mundur të humbet kompasi. Kjo neve po na ndodh. Prej këtu, ka një vullnet politik, një optimizëm që të nxirret mësim dhe të hapen dyert. Edhe prej atje ka mesazhe inkurajuese të këtilla”, thotë shefi i diplomacisë Dimitrov.

I pyetur se çka nënkupton nën radhitjen lidhur me aktivitetet për tejkalim të kontestit, Dimitrov theksoi se në atë që është biseduar në takimin me kolegun e tij grek Nikos Koxijas në kuadër të Samitit katërpalësh në Selanik.

“Atëherë biseduam se në cilat sfera dhe se si mundemi atje ku kemi interesa të ngjashme ose të njëjta ta zhvillojmë bashkëpunimin për shkak të krijimit të klimës më pozitive e cila në njëfarë mënyre do ta mbyllim sferën ku kemi dallime të dukshme siç është dallimi rreth emrit. Kështu që herët është diçka konkrete për atë të flitet. Atëherë biseduam për bashkëpunim të nivelit të organizatave joqeveritare, akademikëve, universiteteve, disa gjëra konkrete, zjarre verore”, shpjegoi Dimitrov.

Sipas tij, është shumë e rëndësishme çfarë bëhet lidhur me paralajmërimet.

“Është shumë më e rëndësishme se çka bëhet se sa çka paralajmërohet. Përgjithësisht politika jonë është që të marrim argumente të atyre të cilët do të donin që bllokimi i rrugës sonë evropiane dhe euro-atlantike të mbetet. Dallimi i politikës së tanishme të jashtme lidhur me atë paraprake është që ajo paraprakja për fat të keq nuk jepte argumente të tyre forcave politike të cilët nuk janë posaçërisht të interesuar që të hapen dyert për Maqedoninë. Ne jemi të interesuar të mos ketë argumente të këtilla, jo vetëm të mos japim por edhe të japim argumente”, porositi Dimitrov.

LEXO EDHE:

• Kundërspin: Osmani mendon se referendumi për emrin përfundoi?!
• Kozias: Çështjen e emrit do ta zgjidhim në 2018
• Maqedoni, gjasa reale për t’u zgjidhur çështja e emrit me Greqinë
• Shekerinska: Kontesti për emrin katastrofë për Maqedoninë, por edhe zhvillim i keq i ngjarjeve për Greqinë
•  Zaev: Deri në fund të muajit takime me ndërmjetësin Nimic
• Hojt Ji: Zgjidhja e kontestit me emrin në shkallën më të lartë që ka qenë ndonjëherë