Ahmeti: ende ka shumë punë për të bërë në drejtim të zbatimit të barazisë qytetare
Lideri i Bashkimit Demokratik për Integrim, Ali Ahmeti sot dërgoi urim me rastin e 8 Shtatorit – Ditës së Pavarësisë së Republikës së Maqedonisë.
“26 vjetori i pavarësisë së Maqedonisë po na gjen në hapat përfundimtare të rrumbullakësimit të barazisë normative që rrjedh nga Marrëveshja e Ohrit, asaj të barazisë gjuhësore. Por, akoma ka shumë punë për të bërë në drejtim të zbatimit të barazisë në përditshmërinë e jetës së qytetarit. Duke shënuar përvjetorin e pavarësisë, uroj që të prosperojmë bashkë, të barabartë, pa paragjykime dhe me përkushtim të plotë të përbashkët për ta integruar këtë vend në NATO dhe në Bashkimin Evropian.” shkruan Ahmeti.