Ish-ushtari i UÇK-së nga Kumanova humb jetën në Siri

Adnan Rexhepi nga Kumanova është luftëtari i radhës shqiptarë që u vra të shtunën në luftimet në qytetin Sham në Siri, njofton INA. 

31 vjeçari ka qenë pjesë e kryengritësve sirian kundër regjimit të diktatorit Bashar Al Asad.  Siç mësohet ai ka ndërruar jetë të shtunën, ndërsa sot zyrtarisht janë informuar të afërmit e tij.  

“Sot morëm lajmin se vëllau jonë Adnani ra shehid në tokën e Shamit,  All-llahu e past mëshiruar ,  ndjehemi krenarë qe e patëm shok”, kanë shkruar shokët dhe miqtë e tij në rrjetin social ‘facebook’, duke shprehur ngushëllime edhe pranë familjes së tij. 

Adnan Rexhepi ka qenë ish-luftëtarë i Ushtrisë Çlirimtare Kombëtare në luftën e vitit 2001 në rajonin e Karadakut të Kumanovës, duke qenë pjesë e njësisë speciale.  Në vitin 2003 ai u arrestua dhe u dënua me 4 vjet burg, si viktimë e një procesi të montuar për gjoja vendosjen e bombave në qendër të Kumanovës.