James theu edhe një rekord në NBA
LeBron James është bërë lojtari më i ri në historinë e NBA-së që shënon 4000 pikë në ndeshjet e ‘Play off’-it, pas 22 pikëve të shënuara në fitoren e fundit të Miamit ndaj Brooklyn Nets.
Lojtari i Miami Heat i bashkohet legjendave si Michael Jordan që ka 5.987 pikë, Kareem Abdul-Jabbar 5.762 pikë, Kobe Bryant 5.640 pikë, Shaquille O’Neal 5.250 pikë, Karl Malone 4.761 pikë, Tim Duncan 4.747 pikë dhe Jerry West 4.457 pikë të shënuar. Tashmë, ai renditet i teti me 4013 pikë në ‘Play-Off’.
