(FOTO) Pesë të vdekur në aksidentin në afërsi të Manastirit

Pesë të vdekur është bilanci i aksidentit tragjik që ndodhi mbrëmë në aksin rrugor Manastir – Prilep në lindje të vendit.

Sipas policisë aksidenti ndodhi në orën 21.30 si pasojë e përplasjes së dy makinave, ku jetën e humbën pesë udhëtarët e tyre, ndërsa dy të tjerë janë në gjendje të rëndë shëndetësore në Spitalin e Manastirit.

Aksidenti ndodhi në afërsi të vendbanimit Loznani, kur janë përplasur dy makina, njëra nga Krusheva dhe tjetra nga Shkupi.

Në vendin e ngjarjes më pas ka mbërritur edhe ekipet e ndihmës së shpejtë dhe gjykatësi hetues për të kryer ekspertizën mbi aksidentin.

Për shkak të aksidentit të rëndë, ky aks rrugor mbrëmë u mbyll për komunikacion për më shumë se pesë orë.

SPB në Manastir për sot bëri të ditur se do të jap hollësi mbi aksidentin.