Vazhdon gjykimi për “Fortesa 2”
Eprori i Drejtorisë së Pestë, Goran Grujovski, i cili është i akuzuari i parë në rastin e PSP-së “Fortesa 2”, ka ardhur në seancë, njofton Portalb.mk.
Në Gjykatë kanë hyrë edhe prokurorët e PSP-së. Pas disa anulimeve, gjykimi pritet që të fillojë sot.
Gjatë seancës së fundit, është anuluar pasi në Gjykatë nuk janë paraqitur as të akuzuarit e as avokatët e tyre, por as gjykatësja Lidija Petrovska pasi që e njëjta ka qenë në pushim mjekësorë.
Përndryshe, Prokuroria Speciale Publike (PSP) e udhëheq lëndën me emrin e koduar “Fortesa” për shkatërrimin e sistemeve për përgjim dhe “Fortesa2” për shkatërrimin e dokumenteve. PSP më 15 shtator të vitit, ngriti akuzë kundër shtatë personave.
Akuza është ngritur për veprimet juridike penale që lidhen me përgjimin e paautorizuar të komunikimit
“Rasti lidhet me shkatërrimin e materialeve dhe dokumentacionit dhe për këtë arsye janë ngritur disa aktakuza. Ne kemi hulumtuar që të gjejmë se pse është përgjuar dhe nga kush. I akuzuari i parë ka formuar komision dhe ka asgjësuar mbi 2000 dosje. Krejt kjo është bërë për të shkatërruar raportet e punës për rastin ”Fortesa” dhe për këtë rast ndiqen penalisht 7 persona”, thanë nga PSP.