BE-ja njëzëri e miratoi strategjinë për negociatat me Britaninë për Bregzitin

Liderët e vendeve anëtare të BE-së, të mbledhur sot në Bruksel në Samit të jashtëzakonshëm, njëzëri e pranuan strategjinë e përbashkët për negociatat me Britaninë e Madhe për Bregzitin.

Liderëve evropianë u janë nevojitur më pak se 15 minuta që të pajtohen me radhitjen e çështjeve për të cilat insiston BE-ja për negociatat vijuese.

Fillimisht, ato duhej të fillojnë nga mesi i majit, pas zgjedhjes së presidentit të ri të Francës, por tani janë anuluar për pas përfundimit të zgjedhjeve të parakohshme parlamentare në Britani.

Kryetari i Këshillit të Evropës Donald Tusk në internet faqen e tij shprehu kënaqësi nga uniteti i shfaqur.

“Negociatorët evropianë tani kanë mandat të qartë dhe preciz për negociatat”, shkroi Tusk.

Para fillimit të Samitit të sotëm ai insistoi se për BE-në tani më e rëndësishme është që të manifestohet uniteti i të gjithë 27 vendeve-anëtare.

Në letrën që Tusk ua dërgoi të gjithë anëtareve të BE-së, para Samitit, thuhet se çështja e njerëzve (statusi i evropianëve në Britani dhe i britanikëve në BE), të hollat (marrëveshjen për shumën që Britania duhet t’ia paguajë Unionit), si dhe çështja e Irlandës (kufiri midis Republikës dhe Irlandës Veriore) – janë gjërat të cilat të parat duhet të zgjidhen në negociatat me Londrën.

Britania e Madhe dëshiron që negociatat për këto çështje të rrjedhin paralelisht me negociatat për marrëdhëniet e ardhshme britaniko-evropiane, por të gjithë të tjerët në BE janë kundër mënyrës së këtillë të negocimit.

Gjermania dhe Austria tanimë e porositën qeverinë në Londër dhe për marrëdhëniet e ardhshme dhe për lidhje të marrëveshjes për tregti të lirë do të mund të negociohet madje pasi këto tre çështje, të numëruara nga Tusk, zgjidhen me sukses.