Lëndohet rëndë një shofer në një aksident hekurudhor afër Gostivarit
Një shofer i një automjetit të udhëtarëve është lënduar rëndë në një aksident hekurudhor që ka ndodhur në kalimin rrugor midis vendqëndrimit hekurudhor Tumçevishte dhe stacionit hekurudhor Gostivar.
Ministria e Punëve të Brendshme sot njoftoi se aksidenti ka ndodhur dje në orën 18:24 midis një treni të udhëtarëve i cili ka qarkulluar në relacionin Shkup-Kërçovë dhe automjetit “seat leon” me targa tetovare.
Shoferi i lënduar me Ndihmën e shpejtë mjekësore është dërguar në Qendrën mjekësor në Gostivar.
Ekspertizë në vendin e ngjarjes ka kryer ekip nga stacioni policor në Gostivar, ndërsa në periudhën nga ora 18:24 deri në orën 21:18 ka qenë në ndërprerje qarkullimi hekurudhor në këtë pjesë të hekurudhës.
