Perez: Kjo e pret Zidanen nëse mposhtet nga Bayern Munich dhe Barcelona!
Zinedine Zidane është para dueleve shumë të rëndësishme me Real Madridin. Ai do të vazhdojë të jetë në pankinën e Realit të Madridit, pavarësisht rezultateve që do të arrijë skuadra e tij gjatë kësaj jave, kur do të luajë ndaj Bayernit dhe Barcelonës.
Presidenti Fiorentino Perez ka besim te francezi i cili në vetëm pak muaj fitoi 3 trofe me Los Blancos.
Sipas asaj që raporton e përditshmja madrilene Marca, Zidane do të qëndrojë në krye të Realit çfarëdo që të ndodhë në këtë sezon.
Presidenti e vlerëson jashtëzakonisht ish mesfushorin për atë çfarë ka arritur gjatë 1 viti e pak në stolin e Los Blancos dhe për frymën që ka futur në skuadër.
44-vjeçari nga Marseille, ka një kontratë deri në vitin 2018 me klubin merengues dhe sipas të gjitha gjasave Zidane do të jetë pjesë e skuadrës madrilene edhe sezonin e ardhshëm.