Grabitet një djalë në lagjen Aerodrom
Shkupjani tetëmbëdhjetëvjeçar D.M. mbrëmë në orën 22:00 ka paraqitur në polici se është grabitur në rrugën e këmbësorëve pas SHF “Luben Pale” në lagjen Aerodrom.
Grabitësi, siç informon MPB-ja, e ka goditur djaloshin në pjesën e zverkut dhe kur është rrëzuar ia ka marrë telefonin celular, ndërsa ka tentuar t’ia marrë edhe qaforen e arit në qafë, por nuk ka arritur, pas çka ka ikur në drejtim të panjohur.
Policia merr masa për gjetjen e autorit dhe për zbardhjen e plotë të rastit.