Anevski mbron Mihajllovën: Janeva dhe Fetai e kanë ofenduar Gjykatën
“Këshilli i Prokurorëve dje ka mbajtur seancë në të cilën i ka shqyrtuar ankesat e u.d. kryetares në dorëheqje të Gjykatës Penale, Tatjana Mihajllova dhe ka sjell përfundim se të dy prokuroret e Prokurorisë Speciale, Katica Janeva dhe Fatime Fetai, gjatë seancës së rastit “Shuplakat” e kanë shkelur Kodeksin Etik”, tha kryetari i Këshillit të Prokurorëve, Petar Anevski, i cili tha se gjithashtu ka njoftuar se seanca e sotme e Këshillit, në të cilën do të duhej që të vendoset se a duhet t’i jepet lënda “Sopot” PSP-së është anuluar.
“Dy prokuroret e kanë shkelur Kodeksin Etik dhe rekomandimi ynë është që të emërojnë prokuror të ri në rastin konkret”, deklaroi Anevski.
LEXO: Katica Janeva dhe Fatime Fetai dënohen me nga 2.000 euro
Gjykatësja Tatjana Mihajllova, e cila e udhëheqë gjykimin për protestat e dhunshme në Komunë Qendër, në seancën e fundit, i ka dënuar prokuroret speciale me nga 2.000 euro për mos-respektim të Gjykatës. Arsye për këtë ka qenë se prokurorja Fetai ka thënë se proces-verbali i seancës paraprake nuk ka qenë i sakt dhe nuk është shënuar plotësisht.
Prokurorja Janeva theksoi se jo vetëm Gjykata, por edhe PSP ka mekanizma me të cilat mund të përballet me sjelljet e këtilla të Mihajllovës, ajo shtoi gjithastu se “nuk kuptojmë pse lëndën do e dërgojnë në Këshillin e Prokurorëve, kjo është shumë qesharake, sepse fillimisht duhet ta dërgoj në Këshillin Gjyqësor”.
LEXO: Kush është gjykatësja Tatjana “2.000 euro dënim për Janevën dhe Fetain” Mihajllova?
Rasti “Shuplakat”
Në rastin “shuplakat”, të akuzuar janë 14 persona, prej të cilëve 5 persona si nxitës, kurse të tjerët akuzohen si ushtrues të drejtpërdrejtë të dhunës. I akuzuari i parë është ish kryeministri dhe lideri i VMRO-DPMNE-së Nikolla Gruevski, kurse si të akuzuar janë edhe ish-ministri i Transportit dhe Lidhjeve Mile Janakieski dhe këshilltarja e mëhershme e Komunës Qendër, Daniella Rangellova.
Sipas akuzës, Gruevski, dëgjohet në njërën nga “bombat” e LSDM-së duke e porositur Janakievskin që dikush nga partia “t’ua japë dy tre shuplaka”, kryetarit të Komunës Qendër, Andrej Zhernovski, dhe anëtarëve të Këshillit Komunal.
“Bomba” për rastin:
