Partia Socialiste e Francës: Vendimi i Ivanovit e shfuqizon demokracinë
Për ngjarjet e fundit politike në Maqedoni, ku presidenti i shtetit, Gjorge Ivanov vendosi të mos ia japë mandatin lideri të LSDM-së Zoran Zaevit, ka reaguar Partia Socialiste e Francës, nëpërmjet Moris Bro, sekretar nacional për çështje globale dhe bashkëpunim, njofton Portalb.mk.
“Presidenti konservator i Maqedonisë Gjorge Ivanov, të mërkurën më 1 mars, nuk lejoi që shumica parlamentare e udhëhequr nga LSDM me 67 deputetë nga gjithsej 120, ta formojë Qeverinë e re të Maqedonisë. Ky vendim paraqet akt kundër Kushtetutës dhe e shfuqizon demokracinë. Ai e tregon qëllimin e partisë së presidentit, e cila ka humbur në zgjedhjet e dhjetorit të vitit 2016. Parti VMRO-DPMNE do që të mbetet në pushtet me çdo kusht, duke krijuar më pas edhe rrezik për luftë ndëretnike, sikur që vendi ishte zhytur në vitin 2001”, thonë nga partia.