Policia ka kryer kontroll në shtëpinë e Fransoa Fijon

Autoritetet franceze dje kanë kryer kontroll në shtëpinë e kandidatit për president Fransoa Fijon, si pjesë e hetimeve pas akuzave, se i ka paguar rroga anëtarëve të familjes, të cilët nuk kanë kryer asnjë lloj pune.

Policia refuzoi që të japë detaje, ndërsa avokatët e familjes Fijon refuzuan që të japin koment.

Fijon përpiqet që të mbrojë partinë e tij konservatore nga ndarjet, ku ka pakënaqësi nga vendimi që të vazhdohet fushata edhe përkundër hetimit. Shefi i financave të shtabit parazgjedhor Zhil Boaje dhe tre deputetë dje publikuan se e braktisin ekipin parazgjedhor.