PLD do të propozojë ligj të ri për përdorimin e Kanabisit
Partia Liberal Demokrate informoi se nëpërmjet deputetëve në Kuvend do të dorëzojë propozim deri te Qeveria e re për sjelljen e zgjidhjes së re ligjore për legalizim të kanabisit për përdorim mjekësor dhe për dekriminalizimin e përdorimit personal, njofton Portalb.mk.
Nga partia thonë se propozim-ligji do të harmonizohet me nevojat e të gjithë palëve të interesuara dhe në bashkëpunim me shoqëritë civile.
“Oferta e rritur e vajit të kanabisit në tregun e zi është fakt i mjaftueshëm se zgjidhja aktuale e ligjit është treguar si i pasuksesshëm. Vaji i kanabisit patjetër duhet të jetë në dispozicion deri te të gjithë qytetarët që me të vërtetë ju nevojitet, ashtu siç kanabisi për përdorim rekreativ duhet të dekriminalizohet”, thonë nga PLD.