Pse kirurgët mbajnë uniforma të gjelbra?
Më parë uniformat për personelin mjekësor ishin vetëm të bardha. Megjithatë , në fillim të shekullit të 20-të një mjek konkludoi se ngjyra e gjelbër e uniformave mundet shumë t’i ndihmojë kirurgët.
Domethënë, ngjyra e bardhë për shkak të intensitetit të saj mund të shpërqendrojë kirurgët të cilët janë të fokusuar në ngjyrën e kuqe të gjakut.
Efekt të ngjashëm paraqitet edhe kur shëtisni në dëborë në një ditë me diell, sepse syve tanë i duhet kohë që të mësohen në kontrastin e madh të ngjyrave.
Duke e konsideruar ngjyrën e gjelbër apo blu si ngjyrë të kundër të së kuqes në spektrin e ngjyrave, ato ndihmojnë që kirurgët të jenë të përqendruar tek pacienti.
Kjo në fund e ul mundësinë për gabime gjatë operacioneve.