Xhudistet e Kosovës fitojnë ndeshjet e para në Paris
Kampionia olimpike në Xhudo, Majlinda Kelmendi dhe Nora Gjakova kanë fituar ndeshjet e para në Grand Slamin që po mbahet në Paris, njofton koha.net, përcjell Portalb.mk.
Kelmendi mposhti kanadezen Ecaterina Guica derisa Gjakova siguroi fitoren ndaj kanadezes tjetër Jessica Klimkait.
Në kategorinë deri në 52 kilogramë duel ka zhvilluar edhe Distria Krasniqi. Ajo ka mposhtur Laetitia Payet.
Tri xhudistet kosovare tani presin raundin tjetër për të siguruar pozitën lidere nëpër grupe.
